எனது இரு சக்கர வாகனம் தொந்தரவு கொடுத்ததால், கடந்த சில தினங்களாக ஆட்டோவில் செல்கிறேன். என் மகனை பள்ளியில் விட்டு விட்டு நான் அலுவலகம் செல்ல வேன்டும். என்னுடைய பை, மகனுடைய பை, சாப்பாட்டு கூடை :-), அனைத்தையும் தூக்கிக்கொண்டு ஓட வேண்டும். சில மாதங்களாக, மகன் நடப்பதால் எனக்கு எளிதாக இருந்தது. ஆனால், இந்த முறை தன்னை தூக்க வேண்டும் என்றதால், அவரையும் தூக்கிக் கொண்டு நடையை கட்டினேன்.
சில அடிகள் சென்றவுடன், "அம்மா" என்று அழைத்தார். மூச்சு முட்ட நடந்து கொண்டே "ம்ம்" என்றேன்.
"பாப்பர்லி" என்றார்.
"என்ன சொன்னீங்க?" என்றேன்.
மறுபடியும் "பாப்பர்லி" என்றார். இம்முறை வசதியாக உட்கார தன்னை சரி செய்து கொண்டே சொன்னார்.
ஆகா! என்னிடம், ""PROPERLY" ஆக தூக்கி கொண்டு போ" என்றதை இப்போது தான் புரிந்து கொண்டேன்.
1 comment:
Lovely...you have such a nice way of saying things...so sweet!
Post a Comment